Türkmenistanyň hemişelik Bitaraplygynyň şanly 25 ýyllygy mynasybetli Ahal welaýatynyň Ak bugdaý etrabynyň çäginde häzirki zaman Bagabat şypahanasynyň, oňa barýan döwrebap ýoluň, Saglyk binasynyň hem-de täze ýaşaýyş jaýlarynyň açylyş dabaralary geçirildi.
25 METRLIK SAGLYK BINASY
Ahal welaýatynyň Ak bugdaý etrabynyň Magtymguly daýhan birleşiginde döwrebap Saglyk binasy gurlup ulanmaga berildi. Onuň açylyş dabarasyna Mejlisiň Başlygy, Ministrler Kabinetiniň Başlygynyň orunbasarlary, Ahal welaýatynyň degişli ýolbaşçylary we beýleki adamlar gatnaşdy.
Saglyk binasynyň beýikligi 21 metr, onuň depesinde oturdylan Türkmenistanyň Saglygy goraýyş we derman senagaty ministrliginiň şekliniň beýikligi 4 metr bolup, binanyň beýikligi jemi 25 metre deňdir. Bu hem ýurdumyzyň “Saglyk” döwlet maksatnamasynyň kabul edilmeginiň 25 ýyllygyny alamatlandyrýan esasy wakalaryň biri boldy.
Saglyk binasyndan Bagabat şypahanasyna barýan ýol hem döwrebap derejede gurlupdyr. Onuň uzynlygy 16 metr 670 metre barabardyr.
BAGABAT ŞYPAHANASY HALKYŇ HYZMATYNDA
Hormatly Prezidentimiz hemişelik Bitaraplygynyň şanly 25 ýyllygy mynasybetli Ahal welaýatynyň Ak bugdaý etrabynyň çäginde häzirki zaman Bagabat şypahanasynyň açylyş dabarasyna gatnaşdy. Bu ýerde çykyş eden milli Liderimiz Diýarymyzda “Saglyk” döwlet maksatnamasynyň kabul edilendigini, bu maksatnamanyň ençeme ýyldan bäri öz işini amala aşyryp gelýändigini belledi.
Hormatly Prezidentimiz şu ýyl bu maksatnamanyň kabul edilmegine 25 ýyl dolandygyny belläp, bu senä bagyşlap Saglyk binasynyň ulanmaga berlendigini belledi. Döwlet Baştutanymyz halkymyzyň saglygyny bejermekde şypahanalaryň ornunyň uludygyny belläp, Ahal welaýatynda Arçman, Ýyly suw, Balkan welaýatynda Mollagara we Awaza, Daşoguz welaýatynda Daşoguz, Lebap welaýatynda Farap, Mary welaýatynda Baýramaly, Aşgabat şäherinde Berzeňňi şypahanasynyň şypa berýändigini nygtady.
Hormatly Prezidentimiz geljekde gözel tebigatly Köýtendagda şypahana gurmagyň göz öňünde tutulýandygyny belledi.
Milli Liderimiz Bagabat jülgesinde ýagny derede ýenede bir ajaýyp şypahananyň gurlandygyny belläp geçdi.
- Bagabat şypahanasy halkara ülňülerine gabat gelip, birbada 200 adamy kabul etmäge niýetlenendir.
- Şypahanada balneo terapiýa bölümi, suw, palçyk hem-de SPA bölümleri bar.
- Anyklaýyş we maslahat beriş bölümleri, fiziobejeriş bölümleri hereket edýär.
- Döwrebap şypahanada dem alyş, nerw, daýanç, hereket ediş, endokrin, deri, iýmit siňdiriş, madda çalşygy ulgamlary işjeň dikeldiş çärelerini geçirmek üçin dürli işler alnyp barlar.
- Bagabat şypahanasyna dynç almaga gelýän adamlaryň oňat dynç almaklary üçin ähli şertler döredildi.
Telekeçilik bilen meşgullanmak isleýän ýaşlaryň we telekeçileriň söýgüli sahypasy-Telekeçilik Sahypasy!
