Şu ýylyň ýanwar-aprel aýynda Azerbaýjan Respublikasy Türkmenistandan 155.3 million kubmetr tebigy gazy import etdi. Bu barada “Trend” habarlar gullugy Azerbaýjanyň Statistika boýunça döwlet komitetine salgylanyp habar berdi.
Bellenilişi ýaly, import edilen tebigy gazyň bahasy 23.3 million dollara deň boldy.
2024-nji ýylyň ilkinji dört aýynda Azerbaýjan Türkmenistandan 281 million kubmetr tebigy gaz satyn alyp, munuň möçberi 42.1 million dollara barabar boldy.
Şu ýylyň ýanwar-aprel aýynda Azerbaýjanyň import eden tebigy gazynyň möçberi 176.5 million kubmetre deň boldy. Hasabat döwründe azerbaýjan gazynyň eksportynyň möçberi 8.2 milliard kubmetre barabar bolup, onuň möçberi 3.1 milliard dollara deňdir.
Bu döwürde Azerbaýjan Gruziýa, Serbiýa, Türkiýe, Bolgariýa, Italiýa we Gresiýa tebigy gaz eksport edip, Russiýadan we Türkmenistandan tebigy gaz import etdi.