BIZNES

Aşgabat şäheriniň 3D nusgasy dörediler

Ministrler Kabinetiniň bugün geçirilen mejlisinde Türkmenistanyň Prezidenti Gurbanguly Berdimuhamedow ýurdumyzda Geomaglumatlar merkezini döretmek, şäherlerde sanly ulgamy ornaşdyrmak işlerine girişmegiň zerurdygyna ünsi çekdi. Milli Liderimiziň belleýşi ýaly, bu işe paýtagtymyz Aşgabat şäherinden başlamak gerek. Inžener ulgamlary, binalar we ýer bölekleri hem sanlaşdyrylmalydyr, şäheriň 3D nusgasyny döretmek boýunça işler alnyp barylmalydyr.

Geomaglumatlar merkeziniň döredilmegi inžener ulgamlaryna düşýän agramy kesgitlemäge mümkinçilik berer. Şäher gurluşyk işlerini çaklamaga hem-de modelleşdirmäge, boş ýer bölekleriniň möhüm binýadyny döretmäge ýardam eder diýip, döwlet Baştutanymyz sözüni dowam etdi. Munuň özi şeýle hem ýer böleklerini aýawly peýdalanmakda, olaryň maksadalaýyk ulanylmaýandygyny ýüze çykarmakda we beýleki işleri geçirmäge şert döreder diýip, hormatly Prezidentimiz wise-premýer  B.Öwezowa bu ugurda zerur çäreleri görmegi tabşyrdy.

Ýene-de okaň

Balkanabat şäherinde Eýranyň eksport mümkinçilikleriniň sergisi guralar

“Türkmennebit” maýadarlary Hazarda taslamalary durmuşa geçirmäge we emeli aň ornaşdyrmaga çagyrýar

Türkmenistan Hytaýa 450 milliard kubmetr tebigy gaz eksport etdi

Türkmenistan 2027-nji ýylda TOPH arkaly Owganystana gaz ibermegi meýilleşdirýär

Özbegistan Türkmenistanyň uglewodorod känlerini özleşdirmek taslamalaryna gatnaşmaga taýýar**

«Türkmennebit» Bütindünýä bankynyň wekilleri bilen hyzmatdaşlygyň geljegini maslahatlaşdy