Gazagystanda döwlet saparynda bolýan Türkmenistanyň Prezidenti Serdar Berdimuahmedow bilen Gazagystan Respublikasynyň Prezidenti Kasym-Žomart Tokaýewiň arasynda geçirilen gepleşiklerden soňra resminamalaryň uly toplumyna gol çekildi. Türkmenistanyň we Gazagystanyň Prezidentleri Bilelikdäki beýannama gol çekdiler.
Döwlet Baştutanlarynyň gatnaşmagynda resmi wekiliýetleriň agzalary aşakdaky resminamalary alyşdylar:
1. Türkmenistanyň Hökümeti bilen Gazagystan Respublikasynyň Hökümetiniň arasynda medeni-ynsanperwer ugurda hyzmatdaşlyk hakynda Ylalaşyk;
2. Türkmenistanyň Hökümeti bilen Gazagystan Respublikasynyň Hökümetiniň arasynda migrasiýa babatda hyzmatdaşlyk hakynda Ylalaşyk;
3. Türkmenistanyň Zähmet we ilaty durmuş taýdan goramak ministrligi bilen Gazagystan Respublikasynyň Zähmet we ilatyň durmuş taýdan goralmagy ministrliginiň arasynda pensiýa üpjünçiligi ulgamynda maglumat alyşmak hakynda Ylalaşyk;
4. Türkmenistanyň Adalat ministrligi bilen Gazagystan Respublikasynyň Adalat ministrliginiň arasynda hukuk ugurda özara düşünişmek we hyzmatdaşlyk hakynda Ähtnama;
5. Türkmenistanyň Oba hojalyk ministrligi bilen Gazagystan Respublikasynyň Oba hojalyk ministrliginiň arasynda weterinariýa ugurda hyzmatdaşlyk boýunça özara düşünişmek hakynda Ähtnama;
6. Türkmenistanyň Oba hojalyk ministrliginiň Däneli ekinler ylmy-barlag instituty bilen Gazagystan Respublikasynyň Oba hojalyk ministrliginiň Milli oba hojalyk ylmy-bilim merkeziniň arasynda özara düşünişmek hakynda Ähtnama;
7. Türkmenistan bilen Gazagystan Respublikasynyň arasynda ulag ulgamyndaky hyzmatdaşlygy mundan beýläk-de giňeltmek boýunça 2026–2027 ýyllar üçin bilelikdäki hereketler meýilnamasy;
8. Türkmenistanyň Saglygy goraýyş we derman senagaty ministrligi bilen Gazagystan Respublikasynyň Saglygy goraýyş ministrliginiň arasynda hyzmatdaşlygy ösdürmegiň 2026–2027 ýyllar üçin esasy çäreleriniň meýilnamasy;
9. Türkmenistanyň Balkan welaýatynyň häkimligi bilen Gazagystan Respublikasynyň Mangistau oblastynyň häkimliginiň arasynda söwda-ykdysady, ylmy-tehniki we medeni-ynsanperwer ugurlarda hyzmatdaşlygy ösdürmek boýunça özara düşünişmek hakynda Ähtnama;
10. Türkmenistanyň Ylymlar akademiýasy bilen Gazagystan Respublikasynyň Prezidentiniň ýanyndaky Gazagystan Respublikasynyň Milli Ylymlar akademiýasynyň arasynda ylym babatynda hyzmatdaşlyk hakynda Ähtnama;
11. Türkmenistanyň Telewideniýe, radiogepleşikler we kinematografiýa baradaky Döwlet komiteti bilen Gazagystan Respublikasynyň Prezidentiniň Iş dolandyryş edarasynyň garamagyndaky «Gazagystan Prezidentiniň tele-radio toplumy» döwlet kärhanasynyň arasynda maglumat ulgamynda hyzmatdaşlyk hakynda Ylalaşyk.