Dünýä çempionaty ― 2026-nyň saýlama tapgyrynda Braziliýa bilen Argentinanyň milli toparlary nobatdaky duşuşyklaryny geçirdi. Duşuşykda Lionel Messili Argentina 1:0 hasabynda ýeňiş gaznady.
Çilili Piero Mazonyň eminlik etjek oýny Rio de Žaneýrodaky meşhur «Marakana» stadionynda boldy. Örän dartgynly geçen duşuşygyň ýeke-täk goluny 63-nji minutda Nikolas Otamendi öz adyna ýazdy. Oýnuň 82-nji minutynda brazil hüjümçi Žoelinton gyzyl kart alyp oýunda çykdy.
Duşuşyk başlamazdan ozal, iki ýygyndynyň janköýerleriň arasynda hem dartgynly wakalar boldy.
Şeýlelikde, Argentina duşuşykda ýeňiş gazanyp, utuklarynyň sanyny 15-ä ýetirdi. Braziliýa bolsa, 7 utuk bilen 6-njy orunda galdy.
Bu duşuşyk 2 ýygyndynyň öz arasyndaky 110-njy duşuşyk boldy. «Superclásico de las Américas» diýlip atlandyrylýan bu duşuşyk milli ýygyndylaryň arasynda iň köp geçirilen 2-nji duşuşyk bolup, Angliýa – Şotlandiýa duşuşyklary sanawyň başyny çekýär.