Golaýda Türkiýe Respublikasynyň Prezidentiniň goldaw bermeginde ýurduň Daşary işler ministrliginiň gurnamagynda 2-nji Antalýa diplomatiýa forumy geçirildi.
Halkara giňişliginde syýasy-ykdysady we medeni-ynsanperwer hyzmatdaşlyk gatnaşyklarynyň ara alnyp maslahatlaşylan forumy “Diplomatiýany täzeden gözden geçirmek” şygary bilen geçirildi.
Antalýadaky forum 17 döwlet we hökümet baştutanlarynyň, 80 ministriň, 39 halkara guramalaryň ýolbaşçylarynyň gatnaşmagynda guraldy. Forumda çykyş eden Türkiýäniň daşary işler ministri Mewlüt Çawuşogly Antalýa diplomatiýa forumynyň diňe bir türk diplomatiýasy üçin däl, eýsem sebit we dünýä diplomatiýasy üçinem örän gowy meýdança bolup hyzmat edýändigini belledi.
Ministr Antalýa diplomatiýa forumynyň geljek ýyl döredilmeginiň 500 ýyllygynyň bellenjek Türkiýäniň daşary syýasat edarasynyň dünýä syýasatyna goşan uly goşandy bolup durýandygyny belledi.
Forumyň çäklerinde ikitaraplaýyn we köptaraplaýyn duşuşyklaryň köp sanlysy geçirildi. Şeýle hem Türkiýe-Russiýa-Ukraina daşary syýasat edaralarynyň üçtaraplaýyn duşuşygy hem boldy.
Türki Döwletleriň Guramasy: saýlawlar halkara ülňülerinde geçirildi