ABŞ-nyň Prezidentiniň metbugat sekretary Jen Psaki 13-nji maýda wezipesini tabşyrýar. Onuň ýerine orunbasary Karin Žan-Pýer bellenýär. Bu barada Ak Tamyň beren beýanatynda bellenilip geçilýär.
“Karin diňe bir beýle kyn iş üçin zerur tejribe, zehin we dogruçyllyk getirmek bilen çäklenmän, Baýden-Harris administrasiýasynyň Amerikan halkynyň adyndan alyp barýan işleri barada maglumat ýaýratmagyna-da ýolbaşçylyk eder” -diýip, Ak Tamyň beýanatynda bellenilýär.
Prezident Jo Baýden Jen Psakä metbugat sekretary wezipesinde işlän döwründäki tejribeligi üçin minnetdarlyk bildirdi.
Häzirki wagtda Karin Žan-Pýer metbugat sekretarynyň uly orunbasary, Prezidentiň kömekçisiniň orunbasary wezipesini alyp barýar. Ol ozaldan bäri Baýdeniň toparynda işleýär. Karin ozal, “NBC” we “MSNBC” teleýaýlymlarynda işläp, uly tejribä eýedir.