«Arkadag» futbol kluby
Ýurdumyzyň çempiony «Arkadag» toparynyň öñümizdäki möwsümde Aziýanyň Çempionlar ligasy-2-niň toparçalaýyn tapgyryndaky duşuşyklarynyň seneleri mälim edildi.
“B” toparçasynda çykyş etjek «Arkadag» toparynyñ ilkinji duşuşygy 17-nji sentýabrda Özbegistanyň «Andijon» topary bilen bolar. Oýun Arkadag şäherindäki “Arkadag” stadionynda geçiriler.
Ikinji duşuşyk 1-nji oktýabrda bolup, onda «Arkadag» topary Bahreýniň «Al Haldiýa» toparyna myhmançylyga barar. Oýun Riffa şäherinde Bahreýniň milli stadionynda geçiriler.
Üçünji duşuşyk 22-nji oktýabrda bolar. Bu duşuşykda «Arkadag» myhmançylykda Kataryň «Al-Ahli» topary bilen duşuşar. Oýun Doha şäherindäki “Al Thumama” stadionynda geçiriler.
Dördünji duşuşyk 5-nji noýabrda Arkadag şäherindäki “Arkadag” stadionynda bolar.
Onda «Arkadag» topary Türkmenistanda Kataryň «Al-Ahli» toparyna garşy oýnar.
Bäşinji duşuşygy 26-njy noýabrda «Arkadag» topary myhmançylykda geçirer. Bu oýunda “Arkadag” topary Özbegistanyň «Andijon» toparynyň garşysyna meýdança çykar. Oýun Andijan şäherindäki “Bobur Arena” stadionynda geçiriler.
Toparçanyň duşuşyklarynyň jemleýji tapgyry 24-nji dekabrda geçiriler. Bu duşuşykda «Arkadag» topary Arkadag şäherindäki “Arkadag” stadionynda Bahreýniň «Al-Haldiýa» toparynyň garşysyna meýdança çykar.
«Ahal» futbol kluby
AFK-nyn ikinji çempionlar ligasynda Ýurdumyza wekilçilik edỳän «Ahal» topary “C” toparçasynda ilkinji duşuşygy 16-njy sentýabrda Hindistanyň «Mohun Bagan» topary bilen myhmançylykda geçirer. Oýun Kolkattadaky “Wiwekananda Ýuba Bharati Krirangan” stadionynda bolar.
Ikinji duşuşyk 30-njy sentýabrda Türkmenistanda bolar. Bu duşuşykda Iordaniýanyň «Al Hussein» topary paýtagtymyzda myhmançylykda bolar.
Üçünji oýun – 21-nji oktýabrda «Ahal» Eýranyň «Sepahan» toparyny kabul eder.
«Ahal» dördünji duşuşygy 4-nji noýabrda myhmançylykda geçirer. Bu oýun Eýranyň «Sepahan» topary bilen jogap duşuşygy bolar. Duşuşyk Isfahandaky “Naghsh-e-Jahan” stadionynda geçiriler.
Bäşinji duşuşyk 25-nji noýabrda geçiriler. «Ahal» Türkmenistanda Hindistanyň «Mohun Bagan» toparyny kabul eder.
“C” toparçanyñ duşuşyklarynyň jemleýji tapgyry 23-nji dekabrda geçiriler. Bu duşuşykda «Ahal» myhmançylykda Iordaniýanyň «Al Hussein» toparynyň garşysyna meýdança çykar. Oýun Amman şäherindäki Amman milli stadionynda bolar.