Her ýyl Angliýada geçirilýän dabarada, aýdym-saz dünýäsiniň iň gowularyna berilýän “BRIT” baýraklary düýn Londonda täze eýelerine berildi. Dünýä belli Iňlis aýdymçysy Adele birden köp kategoriýada alan baýraklary bilen dabarada yz galdyrdy. Ine, şu ýyl 42-nji “BRIT” baýraklarynyň ýeňijileri …
Aýdym-saz dünýäsiniň iň abraýly baýraklaryndan biri hasaplanýan we Angliýada fonografik senagaty tarapyndan her ýyl paýlanýan “BRIT” baýraklary geçen agşam Londonyň “O2” Arenasynda geçirilen dabara bilen eýelerini tapdy. Soňky iki ýylda pandemiýa sebäpli birneme çäklendirilen baýraklar gijesi, bu gezek “köne günlerine” gaýdyp gelen ýalydy. Gije “Youtube” kanalynda göni ýaýlymda görkezildi.
Dünýä belli aýdymçy Adele gijäni baýraklary we sahna çykyşy bilen öňe saýlandy. Las Wegasdaky çykyşy taýýarlygyň ýoklugy sebäpli yza süýşürildi we şonuň üçin çekişmeleriň merkezinde üç baýrak bilen gijeden gaýdyp geldi. Bu ýyl 1977-nji ýyldan bäri her ýyl berilýän “BRIT” baýraklarynda aýallar öňe saýlandy. Adele baýragy alanda “Pianino baladynyň köp sazandanyň garşysyna ýeňendigine ynanamok” -diýdi. Adeliň 30-njy albomy ýylyň soňky aýlarynda çyksa-da, 2021-nji ýylda iň köp satylan albom boldy we “CD” satuwyny janlandyrmagy başardy.
Aýdymçy ýylyň baýragyny albomyny ogly Angelo we öňki adamsy Simon Koneska bagyşlady we şeýle diýdi: “Bu albom diňe bir meniň syýahatym däldi, bu hemmämiz üçin syýahatdy we men bolsa şahsy albom çykaranym üçin buýsanýaryn. Sebäbi indi beýle albomlary edýän adam köp däl”. Adele bilen bilelikde gijäniň uly baýraklaryny almak bilen meşhurlyga eýe bolan başga bir at, dünýä belli Iňlis sungat işgäri Ed Şeran boldy.
Ine, “2022 BRIT” baýraklarynyň ýeňijileri …
Ýylyň sungat işgäri
Adele
Meşhur bolan ýyldyz
Holli Humberstone
Ýylyň aýdymy
Adele – “Easy on me”
Iň gowy täze aýdymçy
Little Simz
Ýylyň albomy
Adele – “30”
Iň gowy rok/ alternatiw
Sam Fender
Iň gowy Hip-hop / rep
Deýw
Iň gowy tans
Bekki Hill
Iň gowy pop / R&B
Dua Lipa
Iň gowy global aýdymçy
Billi Eiliş
Iň gowy global topar
Küpek Sonik
Iň gowy topar
“Wolf Alice”
Iň gowy global aýdym
Oliwiýa Rodrigo – “Good 4 U”.