Aziýanyň ikinji derejeli çempionlar ligasynda ýurdumyza wekilçilik edýän “Ahal” futbol kluby toparçalaýyn tapgyrdaky ilkinji duşuşygyny geçirmek üçin Hindistanyň Kolkatta şäherine bardylar. “Ahal” futbol kluby toparçadaky ilkinji 3 utugyny almak üçin şu günden türgenleşiklere başlady.
“Ahal” futbol kluby bu şäherde Hindistanyň «Mohun Bagan» toparyna garşy myhmançylykda duşuşyk geçirer. Duşuşyk 16-njy sentýabrda “Wiwekananda Ýuba Bharati Krirangan” stadionynda sagat 19:15-de başlanar.
Häzirki wagtda, “Ahal” futbol klubyna PRO derejeli tälimçi Eziz Annamuhammedow baş tälimçilik edýär. Baş tälimçisi myhmançylykda geçiriljek bu duşuşyk üçin 23 futbolçyny toparyň esasy düzümine aldy.
Derwezebanlar: Kakageldi Berdiýew, Gurbanmyrat Garaýew, Wepa Mammaýew.
Goragçylar: Bagtyýar Gürgenow, Azat Rahmanow, Beglimuhammet Bekmyradow, Oraz Ataýew, Oraz Orazow, Hakmuhammet Bäşimow.
Ýarymgoragçylar: Alibek Abdyrahmanow, Gurban Annaýew, Bäşim Gurbanberdiýew, Ýakupmuhammet Gowşudow, Nurtagan Saryýew, Begenç Mämiýew, Salim Umarow, Döwran Hojamämmedow, Nazar Towakelow.
Hüjümçiler: Elman Tagaýew, Akmämmet Metdäýew, Enwer Annaýew, Süleýman Mirzoýew.
Ozal hem habar berşimiz ýaly, Aziýanyň ikinji derejeli çempionlar ligasynda ýurdumyza wekilçilik edýän “Ahal” futbol kluby toparçalaýyn tapgyrdaky duşuşyklarynyň öýünde geçirilmeli ähli duşuşyklaryny Arkadag şäherindäki “Arkadag” stadionynda geçirer.