Eýran Yslam Respublikasynda prezident saýlawlary geçirildi. Onuň deslapky netijelerine görä, dalaşgärler Masud Pezeşkian we Said Jalili saýlawlaryň 2-nji tapgyrynda bäsleşer. Saýlawlaryň ikinji tapgyry 5-nji iýulda geçiriler.
Said Jalili mundan ozal, 2013-nji ýylda hem dalaşgär bolupdy. 2021-nji ýylda gaýtadan dalaşgär bolup, soňra meýletin çekilip, golaýda aradan çykan Prezident Seýed Ebrahim Raisini goldapdy.
Eýranda nobatdan daşary prezident saýlawlary Prezident Ebrahim Raisiniň dikuçar heläkçiliginde aradan çykandygy üçin geçirilýär.