Тürkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow paýtagtymyz boýunça iş saparyny amala aşyryp, Söwda-senagat edarasyna geldi. Bu barada Türkmenistanyň Habarlar merkezi habar berýär.
Ozal habar berlişi ýaly, hormatly Prezidentimiz Serdar Berdimuhamedow sanly ulgam arkaly ýakynda geçirilen Ministrler Kabinetiniň mejlisinde şu ýyl ýurdumyzyň ýaşlarynyň durmuşynda ýatdan çykmajak köpsanly çäreleriň bolandygyny, şeýle hem döwlet Baştutanymyz şu ýylyň ahyrynda Ýaşlaryň dabaraly maslahatynyň we sergisiniň geçiriljekdigi, bu dabarada ýylyň dowamynda ýurdumyzda hem-de daşary ýurtlarda geçirilen halkara sport ýaryşlarynda, mekdep okuwçylarynyň ders olimpiadalarynda, talyp ýaşlaryň bäsleşiklerinde ýeňiji bolanlaryň, şeýle hem ykdysadyýetiň dürli ugurlarynda zähmet çekip, ýurdumyzyň ösüşine mynasyp goşant goşan ýaşlarymyzyň gazanan üstünlikleriniň jeminiň jemleniljekdigini belledi.
Ine, şunuň bilen baglylykda, bu ýerde Türkmen halkynyň Milli Lideri şu ýylyň ahyrynda geçirilmegi meýilleşdirilýän ýaşlar forumyny üstünlikli guramak boýunça öwüt-nesihatlaryny we tabşyryklaryny berdi.
Türkmen halkynyň Milli Lideri bu ýerde guraljak serginiň milli we döwrebap äheňde bolmalydygyny, hususan-da, bezeg we dizaýn işlerine, sanly ulgamyň mümkinçiliklerine möhüm ähmiýet berilmelidigini aýtdy.
Soňra bu ýerde türkmen halkynyň Milli Lideriýaşlar forumyna bagyşlanyp guraljak ulgamlaýyn sorag-jogap maslahaty babatda özüniň öwüt-ündewlerini we maslahatlaryny berdi.
Türkmen halkynyň Milli Lideri ýaşlar forumyna bagyşlanyp geçiriljek ylmy-amaly sorag-jogap maslahatynyň möhüm ähmiýeti barada aýdyp, bu çärede ýurdumyzyň ykdysadyýetiniň dürli ugurlarynda gazanylýan üstünlikleriň, şeýle hem döwletimiz tarapyndan ýaşlar baradaky edilýän aladanyň öz beýanyny tapmalydygyny belledi.
Şeýle hem türkmen halkynyň Milli Lideri ylmy-amaly maslahatyň geçiriljek ýerinde bezeg aýratynlyklaryna, sanly ulgamyň we täzeçil tehnologiýalaryň mümkinçiliklerine esaslanmalydygyny hem-de täsinligi we özboluşlylygy bilen maslahata gatnaşyjylaryň her birinde tolgundyryjy täsirleri galdyrmalydygyny aýtdy.
Şunuň bilen baglylykda, türkmen halkynyň Milli Lideri ýaşlar forumyna bagyşlanyp geçiriljek ylmy-amaly maslahatyň ýokary guramaçylyk derejesinde geçirilmelidigi babatda birnäçe anyk tabşyryklary berdi.
Soňra türkmen halkynyň Milli Lideri, Türkmenistanyň Halk Maslahatynyň Başlygy iş maslahatyny geçirdi.
Iş maslahatynyň barşynda degişli ýolbaşçylar şu ýyl ýurdumyzyň ýaşlarynyň durmuşynda bolup geçen taryhy wakalar, dürli ulgamlarda olaryň gazanan üstünlikleri, şeýle hem ýaşlary sylaglamak dabarasyna görülýän taýýarlyk barada hasabat hasabatlaryny berdiler.
Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyz bagtyýar döwrümizde ýaşlaryň täzeçil teklipleriniň taýýarlanylmalydygy barada aýdyp, gymmatly maslahatlaryny berdi.
Forumda ähli ulgamlarda göreldeli zähmet çekýän, öz hünär ugurlary boýunça ukyp-başarnyklaryny görkezýän ýaşlar sylaglanar.
Ýaşlary sylaglamak dabarasy tamamlanandan soňra, Berkarar döwletiň täze eýýamynyň Galkynyşy döwründe belent sepgitleri nazarlaýan ata Watanymyzda üstünlikli durmuşa geçirilýän beýik işleriň waspyny beýan edýän dabaraly konsert geçiriler.
Konsertiň dowamynda ýerine ýetiriljek aýdym-sazly çykyşlar döwürleriň we nesilleriň aýrylmaz ruhy baglanyşygyny, döredijilik ylhamyny alamatlandyrmalydyr.