Şu ýylyň 27-28-nji noýabrynda Aşgabatda ykdysady hyzmatdaşlyk boýunça hökümetara türkmen-azerbaýjan toparynyň nobatdaky 7-nji mejlisi geçiriler. Bu barada Ministrler Kabinetiniň Başlygynyň orunbasary Batyr Atdaýew sanly ulgam arkaly geçirilen Ministrler Kabinetiniň mejlisinde habar berdi.
“Watan” habarlar gepleşiginde bellenilip geçilişi ýaly, mejlise esasan nebitgazda, dokma senagatynda, oba hojalygy we azyk önümçiliginde, gurluşykda we gurluşyk harytlarynda, derman senagatynda, şeýle hem ulag-logistika, maglumat tehnologiýalary ulgamlarynda we beýleki ugurlarda işleýän kompaniýalar gatnaşar.
Şeýle hem forumyň çäklerinde azerbaýjan kompaniýalarynyň we ýurdumyzyň işewür toparylarynyň wekilleriniň arasynda ikitaraplaýyn duşuşyklaryň we gepleşikleriň birnäçesini geçirmek göz öňünde tutulýar.
Forumyň jemleri boýunça degişli resminamalara gol çekilmegine garaşylýar.