BILIM

Merkezi Aziýanyň alymlarynyň forumy geçiriler

13-14-nji sentýabrda Täjigistanyň Milli ylymlar akademiýasynda Merkezi Aziýanyň alymlarynyň forumy geçiriler. Bu barada Täjigistanyň Milli ylymlar akademiýasynyň halkara gatnaşyklary bölümi habar berdi.

Forumyň Merkezi Aziýa ýurtlarynyň Baştutanlarynyň konsultatiw duşuşygynyň bäşinji ýubileý mejlisiniň çäklerinde Duşanbe şäherinde geçiriler.

Oňa Täjigistanyň, Gazagystanyň, Gyrgyz Respublikasynyň, Türkmenistanyň we Özbegistanyň Ylymlar akademiýalarynyň ýolbaşçylary we hünärmenleri gatnaşar.

Forumyň çäklerinde sebitde ylym-bilim hyzmatdaşlygy ösdürmäge degişli meseleler ara alnyp maslahatlaşylar. Şeýle hem myhmanlar üçin Täjigistanyň taryhy we syýahatçylyk künjelerine gezelenç maksatnamasy göz öňünde tutuldy.

Mälim bolşy ýaly, 14-15-nji sentýabrda Täjigistanyň Prezidenti Emomali Rahmonyň başlyklyk etmeginde Duşanbe şäherinde Merkezi Aziýa ýurtlarynyň Baştutanlarynyň konsultatiw duşuşygynyň bäşinji ýubileý mejlisi hem-de Araly halas etmegiň halkara gaznasyny esaslandyryjy döwletleriň Baştutanlarynyň nobatdaky mejlisi geçiriler.

Ýene-de okaň

Türkmen ýaşlarynyň Astanadaky üstünligi

Ýurdumyzyň ýaş robot tehnikaçylary Dubaýdan 12 medal bilen dolandylar

Ýurdumyzyň ýaş robot tehnikaçylary Dubaýda geçiriljek IWISE Global Final bäsleşigine gatnaşarlar

Türkmenistanyň Goranmak ministrliginiň Harby-deňiz institutynyň ýokary hünär bilimine 2026-2027-nji okuw ýylynda okuwa kabul etmegiň tertibi

Türkmenistanyň Goranmak ministrliginiň Ýöriteleşdirilen harby-deňiz mekdebine 2026-2027-nji okuw ýylynda okuwa kabul etmegiň tertibi

Türk ministri: 37500 türkmenistanly talyp Türkiýede bilim alýar