Ministrler Kabietiniň mejlisinde 2019-njy ýylyň 3-nji fewralynda Türkmenistanyň Prezidenti tarapyndan tassyklanan orta hünär we ýokary hünär bilimi edaralarynyň uçurymlaryny işe ýollamagyň Düzgünnamasyna üýtgetmeler we goşmaçalar girizmek hakyndaky Kararyň taslamasy hödürlendi.
“Watan” habarlar gepleşiginde bellenilip geçilişi ýaly, Arkadag şäherine döwlet ähmiýetli şäher diýen aýratyn hukuk ýagdaýynyň berilmegi bilen şäheriň edaralarynyň, guramalarynyň we kärhanalarynyň öňünde goýlan wezipeleri ýokary hilli ýerine ýetirmek, işgärler köpçüliginiň üstüni yzygiderli ýetirmek maksady bilen Ahal welaýatyndan we Aşgabat şäherinden ýurdumyzyň orta hünär we ýokary hünär okuw mekdeplerini üstünlikli tamamlaýan uçurymlary Arkadag şäherine işe ýollamak göz öňünde tutulýar.
Türkmenistanyň Prezidenti hödürlenen resminama gol çekdi.