Eýran Yslam Respublikasynyň nebit ministri Jawad Owji ýakyn wagtda Eýran bilen Türkmenistanyň arasynda gaz şertnamasyna gol çekiljekdigini belläp, iýun aýyndan Eýranyň bir gije-gündiziň dowamynda Türkmenistandan 10 million kubmetr tebigy gaz import edip başlanjakdygyny belledi.
Bu barada nebit ministri Jawad Owji Türkmenistanyň Ministrler Kabinetiniň Başlygynyň orunbasary Batyr Amanow bilen geçiren duşuşygyndan soňra habarçylara beren beýanatynda belläp geçdi.
“Isna” habarlar gullugynyň habar bermegine görä, häzirki wagtda Türkmenistan swop ylalaşygy esasynda Eýranyň üsti bilen Azerbaýjana tebigy gaz iberýär.
– Türkmenistan tebigy gaz gorlary boýunça dünýäde öňdäki orunlary eýeleýär. Eýran hem öz gezeginde bir gije-gündüziň dowamynda 40-dan 50 million kubmetre çenli tebigy gaz kabul etmek we ony öz serhedinden başga ýurtlara geçirmek mümkinçiligine eýedir. Bu hem her iki döwlete köp sanly peýda getirer – diýip, ministri Owji belledi.
Şeýle hem ol geçirilen gepleşiklerde nebitgaz ýataklaryny özleşdirmek üçin tehniki we inženerçilik hyzmatlaryny eksport etmek boýunça ylalaşyklara gazanylandygyny belledi.