62 ýyl mundan ozal, kosmosa ilkinji gezek adam iberildi. Şol döwürde Sowet Soýuzynyň raýaty Ýuriý Gagarin 108 minit orbitada bolup, Ýer şarynyň daşyndan bir aýlaw etdi.
“Wostok” atly kosmos gämisine konstruktor Sergeý Korolew ýolbaşçylyk etdi. 1961-nji ýylyň 12-nji aprelinde Sowet Soýuzynda Kosmonawtika güni döredildi. Şol gün ylymda gazanylan üstünligiň güni hem-de häzirki wagtda kosmos pudagynda zähmet çekýän adamlaryň güni hökmünde bellenilýär.
12-nji aprel Russiýada Kosmonawtika güni, dünýäde bolsa, adamyň kosmosa uçmagynyň halkara güni hökmünde bellenilýär.
Birleşen Milletler Guramasynyň Baş Assambleýasynyň 2011-nji ýylyň 7-nji aprelinde çykaran kararnamasyna laýyklykda, 12-nji aprel adamyň kosmosa uçmagynyň halkara güni hökmünde bellenýär. 60 döwlet bu kararnamanyň awtordaşy bolup durýar.
1961-nji ýylyň 12-nji aprelinde Ýuriý Gagarin kosmosa ilkinji uçuşyny amala aşyrdy. Bu taryhy waka kosmos giňişligini öwrenmegiň öňüni açdy.