Şu gün zähmet rugsadynda bolýan Türkmenistanyň Prezidenti “Awaza” milli syýahatçylyk zolagynda Ministrler Kabinetiniň göçme mejlisini geçirdi. Mejlisiň barşynda ýurdumyzyň halk hojalygynyň pudaklarynda şu ýylyň 7 aýynda alnyp barylýan işlere baha berildi.
“Watan” habarlar gepleşiginde bellenilip geçilişi ýaly, Türkmenistanyň Prezidenti sentýabr aýynyň ýurdumyzyň durmuşynda taryhy ähmiýetli wakalara baý boljakdygyny belläp, baýramçylyk mynasybetli geçiriljek çärelere, aýratyn-da 23-nji sentýabrda geçiriljek Türkmenistanyň Döwlet maslahatyna häzirden gowy taýýarlyk görülmelidigini belledi.
Maslahatda berkarar döwletimizi mundan beýläk-de ösdürmegiň möhüm meselelerine serediljekdigini aýdyp, Türkmenistanyň Prezidenti bu maslahaty ýokary derejede we guramaçylykly geçirmek üçin ähli zerur çäreleriň görülmelidigini belledi.
Mundan başga-da, Magtymguly adyndaky Ýaşlar guramasynyň Merkezi geňeşiniň 1-nji sentýabrda geçiriljek VII gurultaýynyň ýokary derejesini üpjün etmegiň wajypdygy bellenildi.