Ýurdumyzda şäherara awtobus gatnawlary üçin petekleri «Awtomobil ulag hyzmatlary» AGPJ tarapyndan onlaýn satylmagy “Android”goşundysy arkaly täzeden ýola goýuldy. Bu barada “auh.com.tm” internet saýtynda bellenilip geçilýär.
Hödürlenen elektron meýdançalara ugraljak hem-de barylmaly nokady girizmeli, senäni hem-de petegiň görnüşini — ulular ýa-da çagalar üçin petegi saýlamaly.
Petegi satyn almazdan öň, awtobusa münmegiň düzgünleri, zerur resminamalar bilen tanyşmagy teklip edýär.
Hususan-da, düzgünlerde aýdylyşy ýaly, ýolagçy petegini satyn almazdan ozal, ýaşaýan ýeriňdäki saglyk öýünden COVID-19 esasynda saglyk kepilnamasyny, şeýle hem Aşgabadyň we welaýatlaryň häkimlikleri tarapyndan döredilen ýörite iş topary tarapyndan berlen rugsatnama almaly. Yzyna gaýdylanda güwänama talap edilmeýär.
Habarlaşmak üçin telefonlar: 44-35-35, 44-35-31, 44-35-32, 44-35-33, 082.