«Coca Cola» kompaniýasy Portugaliýanyň ýygyndysynyň kapitany Kriştiano Ronaldonyň Wengriýa bilen oýundan öňki (3-0)geçirilen metbugat maslahatynda gazly suwly çüýşeleri bir gyra süýşürip goýmagy bilen bagly pikirlerini beýan etdi.
Kompaniýanyň beýanatynda her kimiň suw içmek üçin özboluşly isleginiň bardygyny belläp, olaryň dürli-dürlüdigine ünsi çekdi.
Dünýä metbugatynda ýazylan habarlara görä, Ronaldonyň bu hereketleri sebäpli «Coca-Cola» 4 milliard dollar ýitgi çekdi. Ýöne kompaniýa bu habarlaryň hakykata esaslanmaýandygyny aýtdy.
Ýeri gelende aýtsak, Ronaldo ozal hem «Coca-Cola» we «Pepsi» içgilerini ulanmaýandygyny birnäçe gezek aýdypdy. Ol hiç wagt bu içgileri mahabatlandyrmandygyny, hat-da ogluna hem içmegi gadagan edendigini aýtdy.