Birnäçe kubogyň eýesi awstriýaly goragçy Dawid Alaba tomusda “Real Madrid” toparynyň oýunçysy bolar diýip, Ispaniýanyň “Marca” neşiri habar berýär. 28 ýaşly goragçy eýýäm Madrid toparynyň saglyk synagyndan geçip, ýyllyk girdejisi 11 million ýewro barabar bolan 4 ýyllyk şertnama baglaşdy diýip maglumat berilýär.
Onuň häzirki wagtda çykyş edýän “Bawariýa” topary bilen baglaşan şertnamasy 30-njy iýunda tamamlanýar. Şol sebäpli madridliler onuň bilen ýanwar aýynda gepleşikleri geçirmek üçin artykmaçlyk gazandyrdy. “Bawariýa” topary bilen şertnamasy tamamlanandan soňra, ol Ispaniýanyň “Real Madrid” toparynyň düzümine goşular.
Häzirki wagtda bu toparyň düzüminde jemi 22 oýuna çykyp, bir gezek ýardam pasyny we bir gezek tapawutlanmagy başardy. Alaba 2009-njy ýyldan bäri bu toparda çykyş edip gelýär. “Bawariýa” topary bilen 9 gezek Germaniýanyň çempionatyny, 6 gezek Germaniýanyň kubogyny, 5 gezek ýurduň superkubogyny, iki gezek Çempionlar ligasyny we UEFA superkubogyny, şeýle hem toparlaýyn dünýä çempionatynyň kuboklaryny gazanmagy başardy.
Interaktiw sahypamyz- okyjylarymyzdan gelen habar we eserleriň ýerleşdirilýän sahypasy-sizden gelenler sahypasy siziň iberjek eserleriňize garaşýar!
