Şu ýylyň 22-nji oktýabrynda Dubaýda dünýäniň iň uly suw we yşyk şüweleňiniň açylmagyna garaşylýar.
Ol «The Palm Jumeirah» adasynda ýerleşýär. Şol bir sanda «The Pointe» söwda-restoran toplumynyň nobatdaky gözelligine öwrülýär. Onuň açylyş dabarasynda dünýäniň täze rekordynyň goýulmagyna garaşylýar. Şonuň üçin bu dabara Ginnesiň rekordlar kitabynyň wekilleri hem gatnaşar.
Çüwdürimler bilen sazyň ajaýyp sazlaşygyndaky täsin toplum 1,5 müň inedördül metr meýdanda ýerleşýär. Çüwdürimleriň belentligi bolsa 105 metre çenli ýeter. Olaryň ýagtyltmak üçin LED çyralarynyň 3 müňüsinden peýdalanylar.
Täze toplum her gün sagat 19-dan ýarygijä çenli işlär. Şu aralykda onuň bäş tomaşa görkezmegine garaşylýar. Her tomaşa-da 3 minut dowam eder.
Gündelik durmuşa degişli habarlary biz Durmuş sahypamyza ýerleşdirýäris.
