Şu günler Türkmenistanyň dokma kärhanalary azgy-burun örtükleriniň önümçiligini barha giňeldýärler. Bu depgine Aşgabadyň lukmançylyk we kosmetika pamyklaryny öndürýän kärhanasy hem goşular.
«Türkmenistan: Altyn asyr» elektron neşiriniň habar bermegine görä, bu kärhana ýakynda bir gezek ulanylýan lukmançylyk örtüklerini öndürip başlamakçy. Önümçiligiň kuwwatynyň her minutda 100 örtüge çenli ýetjekdigi aýdylýar. Bu bolsa kärhanada her gün on müňlerçe örtügiň öndüriljekdigini görkezýär.
Şeýlelikde, Türkmenistanda bir gezeklik lukmançylyk örtükleriniň sany ep-esli köpeler. Aglabasy ýurduň dermanhanalarynda satylýan örtügiň bu görnüşini iki sagatdan köp ulanmak maslahat berilmeýär.