Müşderilerini innowasiýa we elýeterli tehnologik enjamlar bilen üpjün etmek ugrunda tagalla edýän Hytaýyň “Xiaomi” kompaniýasy 11-nji iýunda meşhur akylly bileziginiň “Mi Bandynyň” täze agzasy bolan “Mi Band 5”-i tanyşdyrmaga taýýarlanýar. Bu akylly bilezik, ozalky “Mi Band 4”-e garanyňda, tapawutly bolar. “GizChina” saýty tarapyndan berlen maglumataga görä, 11-nji iýunda “ Xiaomi Mall WeChat” arkaly bu önüm tanyşdyrylar.
“Band 5” SpO2 datçigi bilen enjamlaşdyrylar: 1,2 dýuým OLED ekranyndan başga-da, NFC we “Google Pay” goldawyna eýe boljak täze “Mi Band”yň ekranynyň aşagyndaky düwmesi bolar. Mundan başga-da, “Xiaomi”-niň täze akylly bilezigi “Mi Band 5”, ganyň kislorod derejesini yzarlamak üçin giň mümkinçilige eýe bolar.