Şu ýylyň 6-njy dekabrynda paýtagtymyz Aşgabatdaky «Arkaç» söwda-dynç alyş merkezinde Italiýa Respublikasynyň Türkmenistandaky ilçihanasynyň gurnamagynda “Ýaýa we Lenni” atly italýan animasiýaly multfilm görkeziler.
Aşgabadyň iň bir gelim-gidimli ýerleriniň biri bolan bu söwda-dynç alyş merkeziniň “Arkaç” kinoteatrynda 6-njy dekabrda “Ýaýa we Lenni” atly animasiýaly multfilmi tomaşa etmäge çagyrylýar.
Bu multfilm 2021-nji ýylda surata düşürildi we onuň režissýýory Alessandro Rakdyr. Multfilm italýan dilinde bolup, iňlis dilinde subtitr bolar.
Şeýle medeni çäreler Türkmenistan bilen Italiýanyň arasyndaky medeni-ynsanperwer gatnaşyklary pugtalandyrmaga möhüm goşant bolup durýar.
Mälim bolşy ýaly, şu ýylyň 24-28-nji noýabrynda Aşgabatda “Italýan tagamlarynyň hepdeligi” geçirilipdi.