Her ýylyň 5-nji oktýabry Bütindünýä mugallymlar güni dünýäniň dürli künjeklerinde giňden bellenilip geçilýär. Bu şanly sene 1994-nji ýylda döredildi. Bütindünýä mugallymlar güni dünýäniň 100-den gowrak döwletinde bellenilip geçilýär. ÝUNESKO 1994-nji ýyldan bäri 5-nji oktýabrda Bütindünýä mugallymlar gününi belläp gelýär. Bütindünýä mugallymlar güni bilim edaralarynda ýaş nesilleriň ylymly, bilimli, giň dünýägaraýyşly bolup ýetişmekleri üçin zähmet çekýän mugallymlaryň edýän işlerini ýatlap geçmek maksady bilen döredildi. Şeýle şanly sene mynasybetli mugallymlary begendirmek, mundan beýläkde höwesli zähmet çekmekleri üçin okuwçylar, ene-atalar tarapyndan gyzykly çäreler guralýar. Bütindünýä mugallymlar gününde aýdym-sazly konsertler geçirilip, süýjiden-süýji gutlaglar aýdylýar.
Ýöne bu sene käbir ýurtlara görä, dürli senelerde bellenilip geçilýär. Geliň olaryň birnäçesi bilen tanyş bolalyň.
Hindistan: 5-nji sentýabr
Pakistan: 5 oktýabr
Hytaý: 10-njy sentýabr
Braziliýa: 15-nji oktýabr
Täze Zelandiýa: 29-njy oktýabr
Malaziýa: 16-njy maý
Şri-Lanka: 6-njy oktýabr
Germaniýa: 5-nji oktýabr
Türkiýe: 24-nji noýabr