Germaniýanyň futbol boýunça milli çempionatynyň (“Bundesliga”) güýçli toparlarynyň biri hasaplanýan “Şalke” topary 33 ýyldan soňra şowsuzlyga uçrady. Topar indiki möwsümde “Bundesliga”-da çykyş etmek mümkinçiligini ýitirdi. Ikinji liga düşdi.
Çempionatyň 30-njy tapgyrynyň çäklerinde “Arminiýa” toparyndan 1:0 hasabynda utulan “Şalke” topary 30 duşuşykdan soňra bary-ýogy 13 utuk toplap bildi. Şeýlelikde çempionatyň ýokary ligasynda çykyş etmek mümkinçiligini ýitirdi. Bu ýagdaý 33 ýyldan soňra täzeden gaýtalandy.
“Şalke” topary soňky gezek 1988-nji ýylda ýokary ligadan ikinji liga düşüpdi. Şonda 3 möwsüm ikinji ligada çykyş edip, 1991-nji ýylda täzeden ýokary liga gaýdyp gelipdi.