DÜNÝÄ

Türkmenistan Türki Döwletleriň Guramasy bilen hyzmatdaşlygyny pugtalandyrar

Türkmenistanyň Ministrler Kabinetiniň Başlygynyň orunbasary, daşary işler Ministri Raşid Meredowyň Türki Döwletleriň Guramasynyň Baş sekretary Kubanyçbek Ömüraliýew bilen wideoaragatnaşyk arkaly duşuşygy geçirildi.

Duşuşygyň dowamynda taraplar Türkmenistan bilen bu Guramanyň arasynda dürli ugurlar boýunça hyzmatdaşlygyny çuňlaşdyrmak meselelerini ara alyp maslahatlaşdylar.

Türkmenistanyň Türki Döwletleriň Guramasy bilen baglanyşykly birnäçe halkara düzümler, hususan-da, Guramanyň Ýaşulular Geňeşi, Guramanyň Parlament Assambleýasy, Türki söwda-senagat edarasy, Türki medeniýetiniň we mirasynyň gaznasy bilen hyzmatdaşlygynyň işjeňleşdirilmegine gyzyklanma bildirýändigi bellenildi.

Türkmenistanyň Halk Maslahatynyň Başlygy Gurbanguly Berdimuhamedowyň gatnaşan 2022-nji ýylyň noýabrynda Samarkantda we şu ýylyň martynda Ankarada geçirilen Türki Döwletleriň Guramasynyň sammitleriniň ähmiýetine aýratyn üns berildi.

Ýene-de okaň

Türkmenistanyň daşary işler ministri Russiýada saparda bolar

Pakistanyň Daşary işler ministrliginiň goşmaça sekretarynyň Aşgabada sapary

Raşid Meredow bilen Sergeý Lawrowyň telefon söhbetdeşligi

Ata Watan Eserleri

Russiýanyň Prezidenti dört günlük sapar bilen Hytaýa barar

102 ýaşynda daga çykyp, Ginnesiň rekordyna eýe boldy

Ata Watan Eserleri

Şanhaý Hyzmatdaşlyk Guramasynyň sammitine 20-den gowrak ýurduň ýolbaşçylary gatnaşar