24-nji awgustda, Aşgabat wagty bilen sagat 13: 00-da Kuala-Lumpurda 2023/24 AFK Çempionlar ligasynyň Gündogar we Günbatar zolaklaryndaky toparlaýyn tapgyrynyň bije atma dabarasy geçirildi. Bu tapgyra Türkmenistanyň iň meşhur futbol klublarynyň biri bolan “Ahal” FK-nyň gatnaşýandygyny bellemek gerek.
Bije atmagyň netijesinde hersi dört topardan ybarat 10 topar döredildi. Aziýanyň esasy klub ýaryşynyň toparlaýyn tapgyry alty tapgyrdan ybarat bolup, 18-nji sentýabrda başlar we 13-nji dekabrda tamamlanar. Ähli toparlar öýde we myhmançylykda üç oýun oýnar.
AFK Çempionlar ligasynyň toparlaýyn tapgyrynyň bije atma dabarasynyň netijeleri:
“Günbatar” zolagy
Topar А:
- Pahtakor
- Al-Feýha
- Ahal
- Al-Aýn
Topar B:
- Al-Sadd
- Nasaf
- Al-Faýsali
- Şarja FK
Topar С:
- Al-Ittihad
- Sepahan
- Eýr Fors FK
- AGMK
Topar D:
- Al-Hilal
- Nassaji Mazandaran
- Mumbai Siti FK
- Nawbahor
Topar E:
- Persepolis FK
- Al-Duhail
- Istiklol
- Al-Nasr
“Gündogar” zolagy
Topar F:
- Çonbuk Hýonde Motors
- Bangkok Ýunaýted
- Laýon Siti Seýlors FK
- Kitçi
Topar G:
- Ýokogama F. Marinos
- Şandun Taýşan
- Kaýa FK-Iloilo
- Inçhon Ýunaýted
Topar H:
- Buriram Ýunaýted
- Wanfore Kofu
- Melburn Siti
- Žejiang
Topar I:
- Ulsan Hýonde
- Kawasaki Frontale
- Johor Darul Tagzim
- Bi Ji Pathum Ýunaýted
Topar J:
- Uhan Tri Tauns
- Phohan Stilers
- Hanoý FK
- Urawa Red Daýmonds
Ýaryşyň düzgünlerine laýyklykda, toparlaýyn tapgyryň netijelerine görä, her zolakdan bäş toparyň ýeňijileri, şeýle hem iň gowy netijeler bilen öz toparynda ikinji orny eýelän üç topar 2023/24 AFK Çempionlar ligasynyň 1/8 finalyna çykarlar.
Şeýle hem, fransuz Karim Benzema, Braziliýaly Neýmar we Portugaliýaly Kristiano Ronaldo ýaly dünýä futbol ýyldyzlarynyň oýnaýan Saud Arabystanyň “Al-Ittihad”, “Al-Hilal” we “Al-Nasr” futbol klublarynyň Aziýa Çempionlar ligasynyň toparlarynda çykyş etjekdigini bellemelidiris. “Ahal” futbol klubynyň agzalaryna üstünlik we ýeňiş arzuw edýäris!