Berkarar döwletimiziň bagtyýarlyk döwründe ýurdumyzy bagy-bossankyga öwürmek, tokaý zolaklaryny döretmek hem-de ekilen bag nahallaryna talabalaýyk ideg etmek, şeýle hem Türkmenistanda 2021-nji ýylda bag ekmek hakynda Türkmenistanyň Prezidentiniň 2021-nji ýylyň 12-nji fewralynda çykaran 2143-nji Kararyny ýerine ýetirmek maksady bilen Türkmenistanyň Prezidenti Karara gol çekdi.
Resminama laýyklykda, Türkmenistanda 2021-nji ýylyň 20-nji martynda ählihalk bag ekmek dabarasy geçirmek bellenildi.
Bu barada “Watan” habarlar gepleşiginde bellenilip geçildi.
Ozal hem habar berşimiz ýaly, şu ýyl ýurdumyzyň mukaddes Garaşsyzlygynyň şanly 30 ýyllygy mynasybetli döwletimiziň çäklerinde 30 million bag nahallarynyň oturdylmagy göz öňünde tutulýar.