103 ýaşyndaky Rut Larsson Ginnesiň rekordlar kitabyna adyny ýazdyrdy. Şwesiýaly zenan paraşýutdan bökmek boýunça rekordyň eýesi bolup, ol bu ugurda iň garry adam hökmünde bellenildi.
Rut Larsson 90 ýaşynda asman giňişligi bilen gyzyklanyp başlady. Ol howa şarynda uçup gördi. 2019-njy ýylda ol 101 ýaşynda paraşýutdan böküpdi.
Şol döwürde onuň bu synanyşygy dünýä rekordy bolmandy. Rut Larssondan birnäçe aý ozal maerikaly Ketrin Hodžes 103 ýaşynda paraşýutly böküp, rekordy goýupdy.
Rut Larsson täzeden synanyşyp, 103 ýaşynda rekordy täzelemegi başardy. Ol bu synanyşygy Şwesiýanyň Mutala şäherinde amala aşyrdy.