Yragyň Premýer-ministri Mohammed Şia Al-Sudani öz ýurdunyň energetika pudagynyň ýolbaşçylary bilen geçiren ýygnagynda tebigy gazy import etmegiň alternatiw ugurlaryny gözlemegi tabşyrdy. Häzirki wagtda Yrag elektrik stansiýalary üçin zerur bolan ýangyç mätäçligini çekýär.
Ýurduň Premýer-ministrliginiň kanselýariýasynyň habar bermegine görä, Yragyň hökümet baştutany täze hökümetiň elektrik energiýasynyň önümçiligini 26000 megawata ýetirmegi maksat edinendigini belläp, munuň Yragyň taryhyndaky iň ýokary görkeziji boljakdygyny, şonuň üçin alternatiw energiýa serişdelerine zerurlyk döredýändigini belledi.
Yragyň köp sanly uly taslamalar bilen tebigy gazy öndürmegiň möçberini artdyrmak üçin çemeleşýändigine garamazdan, Türkmenistandan we Katardan tebigy gaz import etmegiň ugurlaryny gözlemek ugrunda tagalla edýär.
Premýer-ministr ýurduň Nebit ministrligine halkara kompaniýalary energiýa ýataklaryny özleşdirmek boýunça hyzmatdaşlyk etmäge çagyrdy.