20 ýaşly norwegiýaly futbolçy, Germaniýanyň “Borussiýa Dortmund” toparynyň hüjümçisi Erling Holand Ýewropanyň iň ýaş hem-de güýçli futbolçysyna gowşurylýan “Golden Boy” baýragyna mynasyp boldy. Bu barada “Tuttosport” neşiri habar berýär.
Bu abraýly baýray almak üçin dalaş eden futbolçylar: Eduardo Kamawinga («Renn»),Alfonso Dewis («Bawariýa),Seržinýo Dest («Barselona»), Ansu Fati («Barselona»), Fil Foden («Mançester Siti»), Jeýms Hadson-Odoi («Çelsi»), Deýan Kulusewski («Ýuwentus»), Jeýdon Sanço («Borussiýa D»), Sandro Tonali («Milan»), Ferran Torres («Mançester Siti») we Winisisu Žunior («Real Madrid»).
Soňky gezek bu baýraga “Atletiko Madrid” toparynyň portugaliýaly hüjümçisi Žoau Feliş mynasyp bolupdy.
Mälim bolşy ýaly, Erling Holand “Borussiýa Dortmund” toparynda 2020-nji ýylyň ýanwarynda çykyş edip başlady. Ol Awstriýanyň “Zalsburg” toparyndan 20 million ýewro geçipdi. Holand german toparynda 29 duşuşykda 27 gezek tapawutlandy.
Erling Holand Milletler ligasy ýaryşynyň iň köp gol geçiren futbolçysy boldy.
Ýurdumyzyň sungat ussatlary bilen taýýarlanan bir-birinden gyzykly söhbetdeşlikleri bu sahypamyzdan okap bilersiňiz!
