Ispaniýanyň “Real Madrid” toparynyň hüjümçisi Karim Benzema Ýewropada möwsümiň iň gowy futbolçysy diýen ada mynasyp boldy. Fransiýaly futbolçy bu ada hem-de baýraga “Onze Mondial” žurnaly tarapyndan mynasyp boldy.
bu žurnal 1976-njy ýyldan bäri bu ugurda baýrak gowşuryp gelýär. 33 ýaşly Benzema bu baýraga mynasyp bolup, bu ugurda “Barselona” toparynyň dünýä belli futbolçysy Lionel Messiden hem-de “Bawariýanyň” polşaly hüjümçisi Robert Lewandowskiden öňe saýlandy.Benzama şu möwsümde Ispaniýanyň çempionatynda 33 duşuşykda 22 gol geçirdi. Mälim bolşy ýaly, Benzema 6 ýyldan soň Fransiýanyň milli ýygyndysynyň düzümine çagyrylyp, şu ýylky Ýewropa futbol çempionatynda milli ýygyndynyň düzüminde çykyş eder.
Geçen ýyl “Onze Mondial” žurnalynyň baýragyna “Liwerpul” toparynyň futbolçysy Sadio Mane mynasyp bolupdy.