TEHNOLOGIÝA

“Xiaominiň” täze modelleri bilen tanşyň: “Wili” we “Liza”

Bilşimiz ýaly, hytaýly telefon öndüriji şereket “Xiaomi” köp wagtdan bäri täze telefonlaryny ulanyjylara tanyşdyrmagy dowam etdirýär. Ýaňy-ýakynda dünýä metbugatynda bu şereketiň başgaça atlar bilen atlandyran telefonlaryny tanyşdyrjakdygy barada habarlar ýaýrady. Bu gezek adatdaky kodlar bilen atlandyrylmadyk iki sany täze modeliň başga atlar bilen satuwa çykmagyna garaşylýar.

“Qualcomm Snapdragon 888 5G” we “Qualcomm Snapdragon 778G” prosessorlary bilen üpjün edilen täze telefonlar ýakyn wagtda satuwa çykar.

Täze çykan habarlara görä, “Xiaomi” şereketiniň täze çykarjak telefonlary “Vili” we “Lisa” diýlip atlandyryldy.

“Vili” atly telefon “Snapdragon 888 5G” prosessory bilen üpjün edilipdir. Şeýle hem bu telefon FullHD+ ekrana we 120 Hz ekran täzelenme tizligine eýe.

“Snapdragon 778 G” prosessory bilen üpjün edilen “Lisa” atly telefonda bolsa, 3 sany kamera (64 megapiksellik GW3 esasy, ultra giňişlik we makro sensorly kameralar) ýerleşdirilipdir.

“Xiaomi” şereketiniň ýakyn geljekde ýene birnäçe telefonlary öndürjekdigi hem çykan habarlarda aýdylýar. Bu telefonlaryň atlary bolsa şeýle:

“Evergo”;

“Evergreen”;

“Zeus”;

“Cupid”;

“Psyche”;

“Bestla”;

“Pissaro”;

“Pissaro Pro”;

“Cygnus”;

“Hyacinth”;

“Divine”;

“Lepus”;

“Mercury”.

 

Maksat TAGANOW,

Magtymguly adyndaky Türkmen döwlet uniwersitetiniň

žurnalistika hünäriniň talyby.

 

Tokio-2020: 3-nji gezek Olimpiýa çempiony boldy

Ýene-de okaň

Türkmenistan bilen Russiýa sanly tehnologiýalar ulgamynda hyzmatdaşlygy pugtalandyrýar

Türkmenistanda sanly ykdysadyýeti ösdürmegiň täze konsepsiýasy kabul edildi

Gazagystanda ilkinji emeli aň uniwersiteti döredilip biler

“Nvidia” bazar bahasy $4,5 trilliona ýeten ilkinji kompaniýa

NASA Aýda oba gurmagy meýilleşdirýär

2025-nji ýyl: dünýäniň iň güýçli 10 robot taýýarlaýjy topary