Şu ýylyň 28-nji dekabrynda Russiýa Federasiýasynyň Prezidenti Wladimir Putiniň başlangyjy bilen Sankt-Peterburg şäherinde Garaşsyz Döwletleriň Arkalaşygynyň düzümine girýän ýurtlaryň Baştutanlarynyň resmi däl duşuşygy geçiriler. Däbe öwrülen bu duşuşyga Türkmenistanyň Prezidentiniň hem gatnaşmagyna garaşylýar.
Russiýa Federasiýasynyň Prezidentiniň metbugat gullugynyň habar bermegine görä, bu duşuşyga Azerbaýjanyň Prezidenti Ilham Aliýew, Ermenistanyň Premýer-ministri Nikol Paşinýan, Belarusyň Prezidenti Aleksandr Lukaşenko, Gazagystanyň Prezidenti Kasym-Žomart Tokaýew, Gazagystanyň birinji Prezidenti Nursultan Nazarbaýew, Gyrgyz Respublikasynyň Prezidenti Sadyr Žaparow, Tajigistanyň Prezidenti Emomali Rahmon, Türkmenistanyň Prezidenti Gurbanguly Berdimuhamedow, Özbegistanyň Prezidenti Şawkat Mirziýoýew gatnaşar.
Russiýa Federasiýasynyň Prezidentiniň metbugat sekretary Dmitriý Peskow bu barada beren beýanatynda GDA-nyň döwlet Baştutanlarynyň resmi däl sammitiniň ýüzbe-ýüz görnüşinde geçiriljekdigini belledi.
Adatça, GDA-nyň döwlet Baştutanlarnyň sammiti ýylda bir gezek geçirilýär. Geljek ýyl bu ýokary derejedäki duşuşyk oktýabr aýynda Gazagystanda geçiriler. Ýöne adaty resmi sammitden başga-da döwlet Baştutanlarynyň resmi däl duşuşyklary hem guralýar.
Türkmenistandan Russiýa 32-nji uçar gatnawy amala aşyryldy