Türkmenistanyň Katar Döwletindäki Adatdan daşary we Doly ygtyýarly ilçisi Myratgeldi Seýitmämmedow Katar Döwletiniň medeniýet ministri Şeýh Abdulrahman bin Hamad bin Jassim Hamad Al Tani bilen duşuşdy. Duuşykda iki ýurduň arasynda medeniýet ulgamyndaky hyzmatdaşlyk gatnaşyklary ara alnyp maslahatlaşyldy.
Taraplar ikitaraplaýyn hyzmatdaşlygyň esasy ugurlary boýunça pikir alyşdylar. Türkmenistanda Katar Döwletiniň Medeniýet günlerini geçirmek, şeýle hem katar tarapynyň Gündogaryň beýik akyldayr Magtymguly Pyragynyň doglan gününiň 300 ýyllyk dabaralaryna gatnaşmagy babatdaky meseleler ara alyp maslahatlaşyldy.
Soňky ýyllarda Türkmenistan bilen Katar ikitaraplaýyn hyzmatdaşlygyň mümkinçiliklerini yzygiderli ýokarlandyrýar. Ykdysadyýet, medeni-ynsanperwer, ulag, ylmy-tehniki hyzmatdaşlyk gatnaşyklaryň esasy ugurlary hökmünde öňe çykýar.