Türkmenistanyň Prezidenti Gurbanguly Berdimuhamedow Ministrler Kabinetiniň sanly aragatnaşyk boýunça nobatdaky mejlisini geçirdi. Onda ýurdumyzda şu ýylyň 8 aýynda aýry-aýry pudaklar boýunça gazanylan üstünlikler barada durlup geçildi.
Ministrler Kabinetiniň mejlisinde milli Liderimiz özüniň «Türkmeniň döwletlilik ýörelgesi» atly täze kitabynyň çapdan çykandygyny habar berdi. Bu barada “Watan” habarlar gepleşiginde bellenilip geçildi. Ýadyňyzda bolsa geçen aýyň başynda Türkmenistanyň Prezidenti täze kitabyny ýazyp tamamlapdy. Şonda saýtymyza ýerleşdiren habarymyzda täze kitap on iki bölümden ybarat bolup, onda durmuşyň gönezligi, zeminiň abatlygy, ebedi ýaşaýşyň ugurlary, ylym-bilimiň ähmiýeti, sagdyn durmuş ýörelgeleri, zähmetsöýerlik, myhmansöýerlik, dost-doganlyk gatnaşyklary, ynsaply bolmak, agzybirlik ýaly düşünjeler barada giňişleýin gürrüň berilýär diýip belläp geçipdik.
Milli Liderimiz mejlisde eden çykyşynda: “Merdana halkymyzyň gadymyýetden gelýän taryhy häzirki döwürde zerur bolan tejribäni toplamaga mümkinçilik berýär. Şu meselede döwürleriň geçmegi bilen gadymy çeşmeleriň täze many-mazmun bilen baýlaşmagy baradaky hakykat aýdyň hem ýüze çykýar. Men bu kitaby hemmeler üçin gyzykly hem-de peýdaly bolaryn diýip pikir edýärin” diýip belledi.
Milli Liderimiz Ministrler Kabinetiniň mejlisine gatnaşyjylara ýüzlenip, bu kitaby mejlis gutarandan soň aljakdygyny belledi. Şeýle hem hormatly Prezidentimiz Halk Maslahatyna çenli bu kitabyň tanyşdyryş çärelerini geçirmek barada tabşyryklar berdi.
Türkmeniň döwletlilik ýörelgesi : Türkmenistanyň Prezidentiniň Täze kitaby
Ylym we bilim baradaky habarlar, şeýle hem ýurdumyzda we daşary ýurtlarda bilim almak bilen baglanyşykly täzelikleri we maglumatlary bu sahypamyzdan tapyp bilersiňiz!
