Türkmenistanyň Ministrler Kabinetiniň Başlygynyň orunbasary, daşary işler ministri Raşid Meredow Türkiýe Respublikasynda iş saparynda bolýar. Şol saparyň çäklerinde Türkiýäniň Daşary işler ministrliginde ikiçäk hem-de giňişleýin düzümde gepleşikler geçirildi.
HARYT DOLANYŞYGY 2 MILLIARD DOLLARA DEŇ BOLDY
Türk metbugatyndaky habarlara görä, şol gepleşiklerden soňra metbugat ýygnagy geçirildi. Türkmen wekiliýetiniň ýolbaşçysy öz çykyşynda 2020-nji ýylda koronawirus ýokanjyna garamazdan, Türkmenistan bilen Türkiýäniň arasyndaky haryt dolanyşygynyň 2 milliard dollara barabar bolandygyny, ýangyç-energetika, ulag, ýokary tehnologiýalar we beýleki ugurlarda bilelikdäki taslamalary durmuşa geçirip boljakdygyny belledi.
Türkmenistan bilen Türkiýäniň arasyndaky hyzmatdaşlyk gatnaşyklaryny has-da pugtalandyrmak üçin köp sanly ugurlary ara alyp maslahatlaşandyklaryny mälim eden türkmen tarapy syýasy we diplomatik ugurlardaky gatnaşyklaryň has-da pugtalandyrylmagy, halkara guramalar hususan-da, Birleşen Milletler Guramasy, Yslam Hyzmatdaşlyk Guramasy, Ykdysady Hyzmatdaşlyk Guramasy ýaly guramalaryň çäklerinde hyzmatdaşlygy ösdürmäge degişli meseleleriň ara alnyp maslahatlaşylandygyny belledi.
TÜRKIÝÄNIŇ PREZIDENTI TÜRKMENISTANA SAPAR BILEN GELER
Türkmen wekiliýetiniň ýolbaşçysy iki ýurduň arasyndaky gatnaşyklaryň has-da berkidilmegi maksady bilen Türkiýäniň Prezidenti Rejep Taýyp Ärdoganyň Türkmenistana resmi sapar bilen geljekdigini, bu sapar bilen baglanyşykly meseleleri geçirilen gepleşiklere ara alyp maslahatlaşandyklaryny belledi.
Siz habarlar saýtymyza girilen dessine Size bildiriş gelmegini isleýän bolsaňyz onda “Atavatan Türkmenistan” halkara žurnalynyň www.atavatan-turkmenistan.com saýtynyň ýakynda hyzmata giren Android ulgamynda işleýän Applikasyýasyny şu ýere basyp ýa-da aşakdaky suratyň üstine basyp öz telefonyňyza ýükläp alyň! Eger Siz bu habary kompýuteriň üsti bilen okaýan bolsaňyz, el telefonyňyzyň Google Plaý dükanyndan “Atavatan Turkmenistan” ýazyp biziň Applikasyýamyzy indirip mugt alyp bilersiňiz!
