ABŞ-daky öňdebaryjy awtoulag söwda satuwlary bilen meşgullanýan “Mecum Auctions” söwda-satuw öýi ABŞ-nyň Prezidenti Donald Trampa degişli awtoulagy satuwa çykardy. Bu barada www.businessinsider.com internet neşirinde hem bellenilip geçilýär.
Donald Trump-yň gyzyl reňkdäki 2007-nji ýyldaky “Ferrari F430” kysymly ulagy 7-nji ýanwardan 16-njy ýanwar aralygynda “Mecum” auksionynda satuwa çykarylar.
Söwda öýüniň habar bermegine görä, “Ferrari F430” kysymly ulagy satyn alan adama Doland Trampyň goly bolan resminamalaryň göçürmesi hem berler.
Bu awtoulag bilen 11 müň kilometrden gowrak aralyk geçilipdir. Onuň bahasy 400-500 müň dollar aralygyndadyr.
Trampyň bu “Ferrarisi” ilkinji gezek auksiona çykarylmaýar. Tramp bu ulagy 2007-nji ýylda satyn alypdy. 4 ýyldan gowrak saklady. 2017-nji ýylyň martynda Prezident saýlanandan soňra Trampyň bu ulagy “Fort-Loderdeýle” söwda öýünde satuwa çykarylypdy. Ýöne garaşylan baha bolmansoň, satuwdan çykarylypdy.
Ýurdumyzyň gözel künjegine degişli fotosuratlary bu sahypadan tapyp bilersiňiz!
