Ýaponiýanyň paýtagty Tokio şäherinde dowam edýän tomusky Olimpiýa oýunlarynda medallar gazanylyp başlandy. 10 metr aralykda pnewmatik tüpeň atmak bäsleşiginde zenanlaryň arasynda hytaýly Ýan Sýan altyn medal gazanan bolsa, erkeklerde altyn medaly eýranly türgen Jawad Forugi gazandy.
41 ýaşy eýranly 244,8 utuk bilen birinji boldy. Ikinji orny 237,9 utuk bilen serbiýaly Damir Mikes, üçünji orny bolsa 217,6 utuk bilen hytaýly Pan Weý eýeledi.
Şeýlelikde, medallaryň sanawynda birinji orny eýeleýän Hytaýyň 2 altyn we 1 bürünç medaly bolmak bilen jemi 3 medaly bar. Mundan başga-da, Eýran 1 altyn, Russiýa, Serbiýa we Hindistan gümüş, Şweýsariýa we Indoneziýa bürünç medallary gazandy.