Ýewropanyň öňdebaryjy ýurtlaryndan Şwesiýada elektron hyzmatlar has giň gerimde ösdürilýär. Ähli ugurlarda häzirki zaman tehnologiýalaryň ulanylmagyna uly ähmiýet berilýär. Häzir bolsa, ýurduň milli pul birligini elektron görnüşde ulanyşa bermek babatda synag işleri geçirilýär. “Elektron krony” atly taslama Şwesiýanyň banky tarapyndan amala aşyrylýar.
Bu taslamanyň synag işleri üstünlikli tamamlanan halatynda tölegleriň köp görnüşiniň “elektron krony” arkaly amala aşyrylmagy göz öňünde tutulýar. Bu babatda howpsuzlyk talaplary hem göz öňünde tutulýar.
Synag döwründe ulanyjylaryň “elektron krony” elektron gapjykda saklap bilmegi, ony mobil goşundylar arkaly ulanmagy üçin degişli çözgütler kabul edilýär. Bu synag işleri 2021-nji ýylyň fewralyna çenli dowam eder.
Häzirki wagtda Şwesiýa kagyz pullaryny iň az derejede ulanýan öňdebaryjy ýurtlaryň biridir.