Russiýanyň “Zenit” toparynda çykyş edýän eýranly Serdar Azmun futbol durmuşyny Fransiýanyň “Lion” toparynda dowam etdirmegi meýilleşdirýär. Ozal habar berşimiz ýaly, Serdar Azmun bilen fransuz toparynyň arasynda özara ylalaşyk gazanyldy.
Ýöne Russiýanyň “Zenit” topary bilen Fransiýanyň “Lion” toparynyň arasynda özara ylalaşyk gazanylmady. Metbugat neşirleriniň habaryna görä, futbolçy bilen fransuz topary 4,5 ýyllyk ylalaşyk babatda özara düşünişmek tapgyryna gelen hem bolsa, bu transferiň mala aşmagy üçin toparlaryň hem ylalaşmagy zerur.
“Zenit” topary Azmun üçin 3 million ýewrodan gowrak pul serişdelerini talap edýär. Rus toparynyň 3 million ýewro möçberinde talap etmegi eýranly fubolçy üçin Angliýanyň “Nýukasl” toparynyň hem gyzyklanýandygyny bilen baglanyşyklydyr.
Azmunyň şertnamasynyň möhleti 2022-nji ýylyň tomsunda tamamlanýar. Şu ýyl bu futbolçy 21 duşuşykda 10 gezek tapawutlandy.