Ispaniýanyň futbol boýunça milli çempionatynda “Real Madrid” topary wagtyndan öň çempionlygyny yglan etdi. Şeýlelikde, şa kluby hasaplanýan “Real Madrid” topary 35-nji gezek Ispaniýanyň çempiony boldy.
“Real Madrid” topary çempionatyň 34-nji tapgyrynda “Espanýol” toparyny 4:0 hasabynda ýeňip, çempion bolmagy başardy. Toparyň tälimçisi Karlo Ançelotti taryhy rekordy gazandy. Ol Ýewropanyň öňdebaryjy 5 futbol çempionatynda çempion bolan ilkinji tälimçi boldy.
“Real Madrid” topary ispaniýanyň iň bir naýbaşy toparlarynyň biridir. 35-nji gezek çempion bolan “Real Madrid” toparyny çempionlyk ýaryşynda “Barselona” topary yzarlaýar. “Barselona” topary 26 gezek çempion boldy. Şeýle hem bu sanawda üçünji bolan “Atletiko” topary 11 gezek çempion boldy.