Her ýyl dünýäniň öňdebaryjy uniwersitetleriniň sanawy düzülýär. Bu sanawda ýokary okuw mekdepleriniň birnäçe görkezijileri göz öňünde tutulýar. Olar uniwersitetleriň akademik üstünlikleri, uçurym bolýan talyplaryň iş üpjünçiligi, innowasion tehnologiýalaryň ornaşdyrylmagy ýaly ugurlar göz öňünde tutulýar.
Şu görkezijilere esaslanyp, “QS Dünýä uniwersitetiniň reýtingi”, şeýle hem “Times Higher Education” guramasynyň bütindünýä uniwersitetiniň reýtingi düzülýär.
Bu guramalaryň reýtingleri Türkmenistanyň Bilim ministrliginiň daşary ýurt uniwersitetleriniň diplomlary ykrar edilende göz öňünde tutulýar.
Şoňa görä-de, “QS Dünýä uniwersitetiniň reýtingi” 2025-nji ýyldaky sanawy taýýarlandy. 2025-nji ýylyň sanawy mundan ozalky ýyllara garanyňda, has giňişleýin esasda düzüldi. Oňa 105 ýokary bilim ulgamynyň 1500 uniwersiteti goşuldy.
Bu sanawda Amerikanyň Birleşen Ştatlarynyň uniwersitetleri has köp möçberde wekilçilik etdi. Sanawda ABŞ-dan 197 ýokary okuw mekdebi, ikinji orundaky Birleşen Patyşalykdan 90, Hytaýdna 71 uniwersitet goşuldy.
13 ýyl bäri ABŞ-nyň dünýä belli Massaçustes Tehnologiýa instituty birinji orny eýeläp gelýär. Londonyň Imperial kolleži 4 basgançak ýokary çykyp, ikinji orny eýeledi. Şeýlelikde, Oksford we Garward uniwersitetleri degişlilikde 3-nji we 4-nji orunlary eýeledi. Kembrij uniwersiteti bolsa, 5-nji orny eýelemegi başardy.