Fransiýanyň “PSŽ” toparynda çykyş edýän ýaş ýyldyz Kilian Mbappeniň toparda galdyrylmagy üçin tagalla edilýär. Möwsümiň ahyrynda topardan gitmegine garaşylýan Mbappe üçin hepdelik 1,2 million ýewrolyk zähmet haky teklip edilýär.
Ozal habar berlişina görä, Kilian Mbappeniň Ispaniýanyň “Real Madrid” topary bilen ylalaşyk gazanandygy mälim edildi. Häzirki wagtda UEFA Çempionlar ligasynda “PSŽ” bilen “Real Madrid” toparlarynyň arasynda geçirilen duşuşykdan soňra Mbappeniň ykbaly belli bolar.
“PSŽ” topary Mbappe üçin ýyllyk takmynan 60 million ýewro gazanmagy üçin şert döretmegi meýilleşdirýär.
Berlen maglumatlara görä, Mbappeniň toparda galmagy üçin Kataryň Emiri, Fransiýanyň Prezidenti Emmanuel Makronyň we ozalky Prezidenti Nikolýa Sarkoziniň hem tagalla edendigi we duşuşyk geçirendigi bellenilýär.
Mbappe häzirki toparynyň teklibini kabul eden halatynda futbol taryhynyň iň köp gazanan futbolçysy bolar.
UEFA Konferensiýa ligasynda geçirilen duşuşyklaryň netijeleri