Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri Riýad al-Maliki bilen Türkmenistanyň daşary işler ministri Raşid Meredow bilelikdäki hyzmatdaşlygyň ýol kartasyna gol çekdiler. Bu barada Palestinanyň “WAFA News” habarlar gullugy Palestinanyň Daşary işler ministrligine salgylanyp habar berýär.
Ýol kartasyna gol çekişmek, Palestina bilen Türkmenistanyň arasyndaky ikitaraplaýyn gatnaşyklary pugtalandyrmak boýunça alnyp barylýan tagallalaryň çäginde Nýu-Ýorkda BMG-niň Baş Assambleýasynyň 78-nji mejlisiniň çäginde geçirilen daşary işler ministriniň duşuşygynda bolup geçdi.
Palestinanyň Daşary işler ministrliginiň beýanynda ýol kartasynyň öz aralarynda baglaşylan şertnamalaryň we Palestina döwleti bilen Türkmenistan arasynda ministr Riýad al-Malikiniň awgust aýynyň ahyrynda Aşgabatda eden sapary wagtynda gol çekilen ikitaraplaýyn äthnamalaryň ýerine ýetirilmegi bilen baglanyşyklydyr.
Şeýle hem resminama iki ýurduň hususy we döwlet pudaklarynyň arasynda dürli ugurlarda, şol sanda syýasy-diplomatik, söwda-ykdysady we medeni-ynsnaperwer ugurlarda bilelikdäki taslamalary we maksatnamalary durmuşa geçirmek üçin anyk ädimleri öz içine alýar.
Gol çekişlik dabarasynyň ahyrynda ministrler ýol kartasyna gol çekilmeginiň öňüsyrasynda edilen bilelikdäki işe ýokary baha berdiler.