Özbegistanda 100 MWt kuwwatly Gün stansiýasy işe girizildi. Bu soňky bir ýylda ýurtda gurlan ikinji desgadyr.
Stansiýa Samarkand sebitiniň Nurabad etrabynda guruldy. 24-nji maýda Özbegistanyň energiýa ulgamyna elektrik energiýasy berip başlady.
Taslamanyň bahasy 100 million dollar boldy. Fransuz “Total Eren” kompaniýasy tarapyndan amala aşyryldy. Özbegistanyň Energetika ministrliginiň habaryna görä, bu stansiýa ýylda 260 million kWt sagat elektrik öndürer.
2021-nji ýylyň awgust aýynda Nawoý welaýatynda fotoelektrik zawodynyň işe girizilendigini bellemelidiris. Bu taslamany durmuşa geçirmek “Masdar” (BAE) kompaniýasy tarapyndan amala aşyryldy. Şeýle hem, bu kompaniýa ýurduň Jizzak, Samarkand we Suhandarýa sebitlerinde Gün stansiýalaryny gurmak boýunça bäsleşiklerde ýeňiji boldy. Bu desgalaryň 2023-nji ýylyň güýzünde tamamlanmagy meýilleşdirilýär.
Gün stansiýalarynyň gurluşygy Özbegistan hökümetiniň ýurduň energiýa balansyny diwersifikasiýa etmek meýilnamasyna girizildi. Bu ýurtda Gün energiýasyny ulanmak mümkinçiligi gaty ýokary, sebäbi ýylda 300 güne çenli gün şöhlesi bolýar.