Şu ýylyň 20-nji maýyndan Aşgabat bilen welaýatlaryň arasynda ýolagçy otly gatnawlary ýola goýmak meýilleşdirilýär. Bu barada “Demirýollary” açyk görnüşli paýdarlar jemgyýetiniň resmi sahypasyndaky gatnaw tertibinde görkezilipdir.
Ilkinji gatnaw ertir, ýagny 20-nji maýda Aşgabat-Türkmenbaşy ugry boýunça amala aşyrylar. Bu ugurdaky gatnawlar her gün ýerine ýetiriler.
Otly gatnawlarynyň biletlerini kassalardan hem-de onlaýn satyn almak bolýar.
Şol tertipde görkezilişi ýaly, Serhetabat – Mary, Türkmenabat – Aşgabat, Türkmenbaşy – Aşgabat we Aşgabat – Türkmenbaşy ugurlary boýunça gatnawlar görkezilipdir.
Türkmenabat-Türkmenbaşy, Aşgabat-Daşoguz we Daşoguz-Aşgabat ugry boýunça hem gatnawlaryň ýola goýuljakdygy bellenilýär.
Şeýle hem hepdäniň perşenbe we ýekşenbe günleri Türkmenabat-Türkmenbaşy, anna we duşenbe günleri Türkmenbaşy-Türkmenabat gatnawlary ýerine ýetiriler.
Mundan başga-da, çarşanbe we ýekşenbe günleri Aşgabat-Daşoguz, penşenbe we duşenbe günleri Daşoguz-Aşgabat ugry boýunça gatnawlar amala aşyrylar.