Ykdysady Hyzmatdaşlyk Guramasynyň Baş sekretary Husraw Noziri Türkmenistanyň Prezidentine hat iberdi. Milli Liderimiziň adyna gelen hatda Aşgabatda YHG-nyň 15-nji sammitiniň üstünlikli geçirilendigi bellenilýär.
Bu hatda hususan-da şeýle diýilýär:
– Siziň Alyhezretiňiziň Ykdysady Hyzmatdaşlyk Guramasynyň döredilen güni mynasybetli iberen gutlag hatyňyzy ägirt uly kanagatlanma bilen kabul etdim.
Size tüýs ýürekden hoşallygymy beýan edýärin, şeýle hem Siziň Alyhezretiňizi bu şanly sene bilen gutlaýaryn.
Şu mümkinçilikden peýdalanyp, Sizi hem-de Türkmenistanyň Hökümetini ajaýyp şäher Aşgabatda YHG-nyň 15-nji sammitiniň we onuň öň ýanynda YHG ýurtlarynyň daşary işler ministrleriniň Geňeşiniň 25-nji mejlisiniň üstünlikli geçirilmegi bilen gutlaýaryn.
Bu forumlaryň netijeleriniň peýdaly hem-de YHG sebitinde işjeň goşulyşmak üçin hyzmatdaşlygyň giňeldilmegine gönükdirilen umumy maksatlarymyza ýetmegiň ýolunda uly ähmiýete eýe boljakdygyna ynanýaryn.